ibrahim ahmed

قصائد منوعة

تقييم هذا المقال

بواسطة

في 18th August 2010 عند 11:51 AM (3097 المشاهدات)

1إلى دون كى شوت
مكتوب عليااحلم وبس
والحلم همس
وكل نقطة نور تفوت
لازم تموت
مفروض على أكون صفحة ف سجل
منوقشه بالقلم الرصاص
عايش مع العايشين
سنين
لم أحد بسمع لى حس
مكتوب عليا احلم وبس
2الوطن
الوهم الساكن فى الهدوم
والوش المطبق كما الجرنان
والابتسامة الميتة
والسؤال التايه فى الحارات
والجواب كما العريان بيتستر بالحيطان
كل ألوان التناقض يابنى الانسان تبنى وطن
هى هى رغم اختلافات المحن
3الوش الخشب
ياسيدى النخاس ليك البشارة
إسمه حسن
بس الأكاده إنه زى الطير
لما يضحك ع الرصيف
ويلم ابتسامات العيال ويا الورق
لسه بيطربه صوت المطر
والليل لما يسرح فى السكك
اسمه حسن
والصوت حسن
لما يغنى بيدوب قلوب الناس
زى القمر ونًّاس
يايسدى النخاس
وشه الخسب لو يزل بيقاوم السوس من زمن
واسمه حسن
4البراءة
القلب الحنين
ولسعة البرد لما الكانون ينقاد
الرهبة م المجهول
والخوف على بكرة
لما ضى القمر يميل على كتاف الاحبة
البراءة
لحظة لقا خايفة من عيون الناس
والكسوف ملو الهدوم
البراءة... مش تكلف
5القمر
القمر بيطل ياولدى
والقلم لسة بتتبخر حروفه من على وش الورق
والجبين نازز عرق
كَل الدراع من طول شقاه
لكين قلبى ماكلش م النبض بين الضلوع
ولا النفس ملت م الحياه
ونا ماشى على نفس الطريق وحدى
الخطوة ساحبانى ... مصاحبانى
وهمى دوايا ترياقى
والشعر مولود جديد عاوز يعيش
واليل بيميل بعكازه على طرف النهار
ونا وسط الزحام بانهار
والقمر لسه هناك
بيطل من طاقته ف سماه
عشمان ينكتب له سطر زيادة فى كتاب الحياه