المنتدى: الإقتراحات والإستفسارات والشكاوي

بسم الله الرحمن الرحيم ليه احنا بنستغل بعض حتي بعد الثورة ؟...يعني احنا قولنا الوضع حيتغير وحنبقي للأحسن لكن للأسف بنرجع لورا وبنبقي للأسوء، انا ليا شكوي يمكن تكون بسيطه بالنسبة لناس بس بالنسبة لناس تانية كتير تعتبر مشكلة كبيرة. مشكلتي احساسي بالاستغلال في ظل الظروف الصعبة اللي بنعشها، يعني مثلا من ضمن العديد من شكوايا ....... انا متزوج منذ اربع سنوات ولي طفله واسكن في المجاورة 19 وانا بستعمل الانابيب مع ان وصلة الغاز الطبيعي واصل لغاية الشقة لكن للأسف انا شقتي مركبلهاش الغاز علشان كانت مقفولة لغاية لما اتجوزت ولما جيت اركب الغاز قبل الثورة طبعا لقيت تكلفة تركيبه حوالي 2500 جنيه علشان السخان والبوتاجاز طبعا مكدبش عليكوا اجلتها علشان معييش المبلغ بس بعدها عرفت من جاري انهم بيقسطوا المبلغ....فرحت وقولت كويس....بعد كده جت الثورة وخلصت وبعدها روحت علشان ادخل الغاز علشان ازمة الانابيب اللي انتوا عارفنها واللي البياعين بيستغلونا فيها.....(قالولي أحنا واقفنا التقسيط)....؟؟؟؟؟ طيب بالزمة حد يقولي ليه وقفوا التقسيط ؟ علشان فيه ازمة انابيب والناس حتضطر تدفع كاش حتي لو اضطروا يستلفوا او يبيعوا...

السلام عليكم ورحمه الله وبركاته هل يمكن وضع قسم سياسي بالمنتدي ام زالك يعارض قوانين المنتدي ارجو الافاده معي ارق تحياتي

انا عاوز افهم ليه الموضوع بيختفى اول مالصفحه بتفتح ؟؟؟ مش فاهم الاول كان بيعمل كده قولت يمكن عشان انا مش مسجل سجلت وفعلت وبقيت عضو وتمام وبرضو اول مابفتح اى موضوع بلاقيه اختفى علطول مش فاهم فيه ايه لو سمحتو؟؟؟؟؟؟؟؟؟؟؟؟

السلام عليكم انا ملكة الاحساس عضوة جديدة فى المنتدى وكنت عايزة اعمل موضوع وعايزة اعرف ازاى انزل صور فى الموضوع ارجو المساعدة بليييييييييييز ولكم جزيل الشكر smiles10smiles10

السلام عليكم ورحمه الله وبركاته انا معجبه بالمنتدى لاعجابى بالمدينه ولكن عندى بعض الانتقادات اولا استايل المنتدى غير ممتدد وانا بعانى من الموضوع ده والصراحه بيخلى التصفح صعب وادنى احرك الاسكرول يمين وشمال لغايه مااوسطن الصفحه واجيب الكلام ثانيا النسخه بتاعت الاسكربت اظن انها غير مطوره وفى بعض الاخطاء الكبيره بالصفحه مثل عدد الصفحات مش عارفه اجيبها منين وارجو تطوير النسخه

السلام عليكم ورحمه الله وبركاته بعد التحيه ارجو من مستر اشرف ان يضع لنا قسم لكل الاعضاء الغائبين عن المنتدي حتي نتمكن من السؤال عليهم في حاله الغياب والتمئنينه ويكون زالك كا نوع من انواع الود لانو دئما الانسان منا يشعر بنوع من انواع الراحه النفسيه عندما يمر بمشكله اؤ بوحده

بسم الله الرحمن الرحيم سوال لادارة المنتدى ازاى ابقى مشرف للقسم اللى انا داخل علشانه انا احمد بدر من جمعية رساله وكنت داخل هنا علشان اعرف الناس ايه هية جمعية رساله مع اميرة المشرفه فكنت حابب اعرف ازاى انا كمان ابقى مشرف ارجو الرد

اولا التصميم حلو اوى بس كان فيه ميزة فى القديم ياريت نضفها على التصميم الجديد وهى اظهار مشاركات العضو السابق ولتكن تحت البيانات الاسم والبلد وكده علشان نقدر نتابع ويا سلام بقا لو متحركة متخدش مكان وتبقى الذ بكتير لو فى راى مخالف ياريت حد يقنعنى علشان الاول مثلا كنت اقرا موضوع لاى عضو كنت اقدر اشوف مشاركاته السابقة دلوقتى بقت كل المواضيع منفصلة وشكرا ومزيد من التفوق والنجاح

انا لاحظت بعد تغيير شكل الموقع مفيش قسم للاعلانات بيع و شراء فين مكانه و لا انا مش عارف ادور عليه ارجو الرد و ابلاغي فين الاقيه لاني ببحث عن ارض اشتريها و شكرا

السلام عليكم عندي إقتراح مش بطال وهوه كل واحد يكتب الوقت أو اليوم إللي بيدخل فيه المنتدي وإللي بتتناسب مع يوم كل واحد فينا زي مثلا أنا بدخل كل يوم ساعتين بعد العصر أو بعد الساعة 4مساءاً أو بدخل يوم الخميس والجمعة بالليل بعد العشاء في حوالي الساعة 9 مساءاً .

السلام عليكم ورحمة الله وبركاتة لو سمحت ادارة المنتدى عايز اعمل اعلان على الموقع لو سمحت ممكن تراسلنى على الموبيل 0107782259 او الايميل hatem_750@yahoo.com

عندى اقتراح اتمنى انه يتنفذ فى المنتدى لو لاقى القبول من الاداره اقترح ان يكون مواضيع العضو المشترك بها فى المنتدى متغيره اى انها تتغير من اول مشاركه شارك بها العضو حتى اخر مشاركه لاننى لاحظت ان هناك مشاركات اكتر من رائعه لبعض الاعضاء نسيت تماما واصبحت من الماضى فى المنتدى مع انها تحمل افكارا رائعه ومواضيع هامه

احبتى واحبابى قيادة ومشرفين واعضاء اتمنى من كل قلبى ان يتم التفكير فى اضافة ساحة للشعر والخواطر تكون متنفس لكل مايجيش فى النفس من كلمات نحاول ان نعبر بها عما يعتمل فى القلوب والمشاعر وايضا قد تكون هذه الساحه بمثابة اكتشاف لمن لم يفكر

فى بعض المنتديات تظهر لى رساله تغلق الصفحه والمنتدى كله ولا افهم سببها واضطر لفتح المنتدى مره تانيه والتسجيل لو حد فاهم يفهمنى ليه بتظهر الرساله دى فى بعض المواضيع ومواضيع تانيه لا تظهر الرساله هى this program is not responding وبعد ظهور الرساله تهنج الصفحه وتقفل

ازيكوا يا احلا شباب في الدنيا انا عاوز اعرفكوا اني غيرت اسمي بقي smsm علشان تعرفوني بالسم الجديد

بسم الله الرحمن الرحيم بعد التيحه والسلام في البدايه اود ان اشكر اليد مدير الموقع علي المجهو الي عمله في الموقع لان موقعنا بقي جامد فحت بس كان عندي اقتراحات كدا يارب تعجبكم

لو سمحت ادارة المنتدى ممكن احذف موضوع كان موجود هو عنوانه فرصة عمل ... واكون شاكر جدا ليكوا ..

السلام عليكم ورحمة الله وبركاته فكرت بما انه جميع اعضاء المنتدي من رواد الآنترنت و تهمهم حماية بياناتهم و اجهزتهم الخاصة بما تحتوي من بيانات خاصة وشخصية او بيانات ومعلومات تخص العمل ان نقيم دورة للحماية سنتطرق فيها لمعلومات عن حماية الآجهزة من الممكن انها تطرح للمرة الآولي بمنتديات عربية وسآقوم فيها بالكشف عن وسائل اختراق الآجهزة التي يستخدمها المخربون وكيفية سد الثغرات الموجودة بآجهزتنا الخاصة وكيفية وقاية انفسنا من العديد من مواقع الآنترنت التي تقوم بزرع ملفات تجسس بآجهزتنا كما ستكون هناك مفآجآت بالدورة اذا تمت الموافقة عليها واقامتها وهي المساعدة الكاملة و الدعم الفني الكامل من اخيكم العبد الفقير الي الله في توضيح اي نقاط غير مفهومة بدروس اونلاين مباشرة و سيتم شرحها بآستخدام احد البرامج التي تتيح الآتصال عن بعد وستنقسم الدورة الي شقين الشق الآول نظري وهو التعريف بالفايروسات والتروجانات واضرارها

انا اعانى من صعوبه في استخدام المنتدى بعد تغيير السرعه الى 256 والصور بعضها يظهر عليها علامه ((x)) ارجو العنايه بهذه الرساله والمعالجه السريعه وشكرا

طلب من اداره المنتدى اتمنى تغير اسمى فى المنتدى من ahmed mado الى

السلام عليكم ورحمة الله وبركاته تحية طيبة..... الى المهندس / اشرف مدير منتدى العاشر من رمضان نطلب نحن متطوعين جمعية رسالة للاعمال الخيرية الموجودين فى المنتدى عمل ركن خاص لنا كجمعية نهر الحياة لنشر ما تقوم به الجمعية وحس الناس على عمل الخير والتفكير فى كل ما هو ممكن عمله كمشروعات خيريه جديده تساعد مدينة العاشر من رمضان والجمعية وارسال دعوات للاعضاء للحضور الى الجمعية وحسهم على العمل التطوعى والنشاط الخيرى.... ونتمنى من سيادتكم تلبيت طلبنا هذا ولكم منا وافر الشكر والاحترام

انا كنت عايزه استفسر عن (كل لما اجى انزل صوره فى اى موضوع يقولى لقد تجاوزت الحد المسموح بيه ..ايه الحل اعمل ايه ؟..وشكرا

ارجو انشاء قسم خاص لاطباء العاشر لدعم الجهود و العمل التطوعى بالمدينة ..و المساعدة معا للارتقاء بمستوى الطبيب العشراوى ههههه.و قسم لاضافة الكتب الطبية مشكورين

السيد مدير عام الموقع / مستر اشرف المحترم الساده اعضاء ومشرفين ومراقبين المنتدى المحترمين تحيه طيبه وبعد ,,, معاً لمنتدى افضل شعارى فى المرحله القادمه معكم بأذن الله وعندى اقتراح لهذا المنتدى ليرقى ويبقى منتدى كبير وعظيم معا ً يد واحده اعضاء ومشرفين مراقبين وصاحب المنتدى ليبقى منتدانا كبير

السلام عليكم ورحمه الله وبركاته لو سمحت بس كنت عاوز اعرف هيه الترقيه في المنتدي اختياري وكم ترقيه للعضو داخل المنتدي وبعد كام مشركه

بسم الله الرحمن الرحيم هل يمكن عمل مسابقة لحفظ القران الكريم في المنتدي ؟ اي بمعني تخصيص سورة او سور صغيرة كل شهر وبحيث يكون هناك عضو مسؤل عن ذلك ويتم الاتفاق علي موعد معين للتسميع وعمل الجوائز للاعضاء الذين تمكنوا من حفظ السور المطلوبة ايه رايكم في الفكرة ؟ وهل هتنفع ولا لا ؟

السيد مدير عام المنتدى لاحظت ان حضرتك وضعت مطبخ العاشر فى قسم الترفيه وحقيقى تعجبت كثيرا لوضع المطبخ فى هذا القسم مع ان المفروض المطبخ من اهم اركان المنزل ان لم يكن اهمهم وكم من مشاكل حدثت بسبب قله خبره الزوجه بالطبخ ومعرفه مهاراته واسراره وهذا من احد اهداف المطبخ ووضع المطبخ مع الترفيه واضحك كركر وتسالى والصور المضحكه ظلم كبير للمطبخ ارجو اعاده وضعه فى قسم الصحه والمنزل وشكرا لسيادتكم

السلام عليكم ورحمة الله الموضوع ده للأخ مونو وطبعا أنا أريد أن أقول له أتق الله في هذا الموضوع ولا تقتص من كلام العلماء فإن من تتبع ذلات العلماء ( إن كانت ذلة ) تزندق أي صار زنديقا هكذا قال الأئمة الأعلام . إذا أردت أن تتكلم عن شيخ الإسلام ابن تيمية فتكلم بأدب ويكفي أن الماوردي قد قال فيه " كل حديث لا يعرفه ابن تيمية فليس بحديث ) ثم تأتي أنت وانا وغيرنا ونتكلم عنه ونقول كيف حرم وكيف حلل ؟؟ أظن أن هذا عبث بالعقول واستخفاف بها , وإذا كان هو قد حرم علم الكيمياء فهل تعرف دليله ؟؟ وعلى أي أساس حرم ، ليتك ذكرت ذلك ؟؟ والشيخ الخضير أين قال كلامه الذي ذكرته ومثل باقي من نقلت عنهم . صراحة أشعر بأن هذه الفتاوي قد نقلتها عن أناس من التكفيريين لا من أهل السنة ثم نسبت ذلك إليهم لأنها من أفكار التكفريين حقا ( الجلوس على الكرسي حرام .... وغيره ) والشيخ ناصر الفهد ما الذي تنقمه عليه وأين قال أيضا ذلك هو الأخر ؟؟ ولا تحية سوى " تحية الإسلام التي حياك بها أوباما !!!!) تحريم جلوس المرأة على النت أنت عندك موضوع فيه ياريت تراجعه ؟؟ فعلا لا تعليق !!

السلام عليكم ورحمه الله وبركاته بعد التحيه انا بشكر صاحب المنتدى وتحيه عطره منى له على المنتدى الكبير واللى بأذن الله هيكبر وهيكبر عندى اقتراح على حضرتك وهو بموجب تنشيط للمنتدى ولاعضاء ومشرفين المنتدى

السيد مشرف عام المنتدى اتمنى اقتراحى يعجبكم ويدخل دائره التنفيذ لو امكن ذلك وهو عمل مطبخ لمنتدى العاشر يقدم فيه اكله كل يوم مع المكونات وطريقه العمل بالصور لو امكن والقسم ده اكيد هيفيد البنات والستات كمان وبعض الشباب اللى عايش لوحده وبيطبخ بنفسه ومشرف او مشرفه القسم تكون متمكنه فى المجال ده وتقدم حلول لمشكلات الطبخ اللى بتقابل البنات والستات اثناء الطبخ وطرق عمل الاكلات البسيطه وكمان الصعبه بابسط طرق اتمنى اقتراحى ينول اعجابكم وشكرا

بسم الله الرحمن الرحيم السلام عليكم ورحمة الله السيد مدير الموقع استاذنا الفاضل m_ashraf في البدايه احب اقدم لحضرتك شكر كبير اوي من قلبي علي الشات الجميل دا بجد بجد شات تحفه انا اول مره اشوفه في اي منتدي جميل جدا وطبعا كلنا لاحظنا الاقبال الشديد عليه وعلشان كدا انا فكرت في شويه اقتراحات واتمني تنال اعجاب مدير الموقع اولا: يبقي الشات بنفس الطريقه موجود في صفحه لوحده بس طبعا علي كبير ويبقي في خاصيه المحادثه الخاصه بين اتنين

اداره نادي الرواد الجديده وانطلاقته السريعه تصاحب الفكره بانشاء موقع للنادي على النت، انا ممكن اقنع رئيس مجلس اداره النادي ان الموقع يكون ضمن المنتدي ، بس لو وعدتني بان يكون في جزء خاص وواضح بعد مثلا مناقشات ساخنه (في صدر المنتدى يعني) ويكون يحمل شعار النادي ، ويتم اضافه اعلانات النادي والجديد فيه عليه بواسطه ناس من النادي، أعتقد دا هينشر المنتدى جدا لان كل الاعضاء هيعرفوه ويدخلوا عليه............ بانتظار الرد

المحترم m-ashraf تحية طيبة وبعد لم أعجب حينما أغلقتم الموضوع( الناس البيئة وسلاما يا بلادي ) ... وهذا شأنكم ولكن المهنية كانت تستدعي أن تغلق أيضا الموضوع الأصلي ....وهو ناس بيئة طحن ....وفي حال عدم حدوث ذلك فهذا يعني أنكم توافقون علي هذا الغث الذي تحتويه تلك الأقاويل ولا أظن ذلك أبدا ... وان كان لكم فضل السبق في عمل متنفس لهؤلاء الشباب علي النت فليكن ذلك مع مراعاة الحفاظ علي البعد الاجتماعي حيث أن هذه المدينة صغيرة ولا يمكن ان نتنافر بهذا الشكل الذي ظهر جليا في حوارات الأخوة الأفاضل والذي أظن أن بعضه ليس مقصودا .... وهو ما يجعل أحدهم وهو الحااصل علي الدكتوراه يقول عن العضوات خرجوا من جحورهم .... أظن هذا المنتدي أعظم من أن يكون جحورا وهن أروع من أن يكن ما يخرج من الجحور .... سيدي .... لا يهمني من قريب أو بعيد من يهاجم بلازا في موقعكم علنا وهو ممنوع عرفا وأصولا وأدبا أيضا خاصة حين يكون الهجوم بالاسم ... فهذا الهجوم لا يمسنا بشئ من قريب أو بعيد ... ولكنني دخلت الي منتداكم آملا أن أضيف شئ فراعني وأفزعني تلك العنصرية البغيضة التي تنضح من كلمات البعض بحجة الإصلاح والتطوير ..... سيدي...

السلام عليكم هناك شكوي لي ول////سيد خميس اين المدير اين المراقب

سيداحمدخميس أرسل تقرير عن مشاركة. السبب: الموضوع: الحلم مجرد فكره والفكره باب والابواب كتيره بس من اين نبداء

السلام عليكم ورحمة الله وبركاته فضلا وليس أمرا أدارة المنتدى الكريمه جزاكم الله كل خير لى أستفسار هو الى الان لم يتم تثبيت أى من مواضيعى والحمد لله المواضيع مميزه جدا بشهادة الاعضاء وكذلك كثير من الاعضاء هناك مواضيع مميزه ولم تثبت فأرجوا بيان أسباب عدم التثبيت لكل أعضاء المنتدى وهذا واجب عليكم وأتمنى لكم التوفيق والسلام عليكم

العضو: ELMoHeeM المخالفة: توقيع مخالف النقاط: 0 ملاحظة الإدارة:

بسم الله اخواني بحثت في كل المواقع ولم اجد ولم اعرف كيف اعمل رابط ارفع فيه الملفات من جهازي وانا خبرتي متواضعه جدا في المجال دة فالرجاء تساعدوني ازاي اعمل للملفات اللي عندي روابط عشان انزلها منتديات عاوزة شرح بسيط وموقع مضمون احد الاخوان اعطاني موقع لرفع الصور وكان موقع ممتاز رغم ان الرفع مؤقت لو تقدروا تفيدوني وشكرا مقدما

العضو: بووودى المخالفة: عبارات غير لائقه النقاط: 0 ملاحظة الإدارة:

السلام عليكم ايه المانع يااستاذ محمد في عمل قسم خاص 1-تعليم اللغة الانجليزية 2-تعليم الفوتوشوب ايه رأيك بأه؟

السلام عليكم هل يوجد فريق لكرة القدم فى العاشر ؟ اذا كان مفيش فريق لكرة القدم لماذا لانكون فريق ويسمى باسم المنتدى ( فريق منتدى العاشر لكرة القدم ) ياريت تقولوا رأيكم وتقترحوا كيفية انشاء وتكوين الفريق ومحتاجين ايه علشان ننفذ الفكرة دى

toto451 أرسل تقرير عن مشاركة. السبب: الموضوع: بــــرامج غاية فى الروعة

بسم الله الرحمن الرحيم اولا الطلب اريد ان تقوم ادارة منتديات العاشر من رمضان بعمل قسم تطوير مواقع و منتديات اقتراح,--

هل هذا الموقع عام ام خاص ؟ اذا كان خاص فلماذا يحمل اسم مدينة العاشر من رمضان كما انا الموقع يحتوي علي قسم لنادي الرواد يعني يمثل نادي الرواد و يوجد اعلان داخل النادي يحمل اسم الموقع مكتوب فيه تجدوا اخبار النادي في هذا الموقع اذا كان عام فلماذا هذه الردود التي تسيء لمدينة العاشر و ليس لموقع دون تدخل الادارة الموقع أول رد لفت انتباهي في اول يوم دخلت الموقع وكان في موضوع الأعضاء تجاوزوا 1000عضو ولكن؟؟؟لماذا؟؟؟

السلام عليكم ايه رايكم في قسم اللي عنده مشكلة او مخنوق اللي ارفان من الحياة وبلاويها ..اللي خطيبته سايبته او حبيبته او اي مشكله يدخل يحكي واحنا نتفاعل مع بعض ونخفف علي بعض وبعدين اللي بيشوف بلاوي الناس بتهون عليه بلوته ونسميه مثلن

سوال الي مدير الموقع و المراقب العام لماذا الانتظار بين المشاركات 900 ثانية لتقليل الموضوعات الجديدة ولا لتقليل الردود علي الموضوعات وشكرا

toto451 أرسل تقرير عن مشاركة. السبب: الموضوع: اربح اموال طائلة وانت فى المنزل

السلام عليكم ورحمه الله وبركاته بعد التحيه الي كل الاعضاء ورئيس المنتدي اود طرح فكره

snowlandeg أرسل تقرير عن مشاركة. السبب: الموضوع: مهندس خريج اتصالات

اشرف عملت كل الخطوات وبرضه صفحه الدردشه بيضااااااااء :sm11::angry::17pv4:

السلام عليكم ورحمه الله وبركاته بعد التحيه احب الفت نظر مدير الموقع بان العاشر يوجد بهه مجله اسبوعيه تصدر كل اسبوع ارجو منك ولو مجرد اعلان بسيط عن الموقع والمنتدي محتاجين

السلام عليكم ورحمه الله وبركاته ارجو من اداره الموقع اضافه قسم للصور في المنتدي وياريت قسم للطب البيطري ارجو من الاخواه الاعضاء ان يضمو ارئهم في القسمين دول تحياتي

بسم الله الرحمن الرحيم احب اشكر مدراء المنتدى علشان عملولنا منتدى جميل زى دة و انا عندى اقتراح حلو ممكن يعجبكم احنا ممكن نعمل منتدى خاص بفيديوهات اليو تيوب و اى حد عنده فيديو يحطه او حتى يجيبه من على اليو تيوب و كمان اليو تيوب فيه حاجات كتييييييييييير حلوة ممكن ندخلها المنتدى و انشاء الله القسم يكون جمييييل و مليان فيديوهات و منتظر الرد السريييع ........ خالص تحياتى ..

ايه يوتيوب العاشر ده ؟؟ ياريت توضح لنا هيبقى عبارة عن ايه

ليه بتحزفوا الميل بتاع الأعضاءلما حد بيبعتهولي وعلي فكرة بيظهر لما أعمل إعادت توجيه شكرا"

السلام عليكم ورحمه الله وبركاته بعد التحيه ياريت تسعدوني عندي مشكله من يوم الاحد الي فات المشكله هيه كل مبخش علي الموقع من عندي من البيت واكتب اسم الدخول واحط الباصورد بتاعي يخش وبعد الدخول يجي يقولي اعاده التوجيه ويجيني شريط اسفر مكتوب عليه سجل علي شان تقدر تشارك بخش من ائ جهاز بره بعيد عن جهازي الي في البيت بخش عادي ودلوقتي انا مقدم الشكوه وانا من بره فياريت المسعده لاني لا اتمكن من دخولي للموقع غير من بعيدن عن جهازي ارجو الرد تحياتي

السلام عليكم عندي اقتراح بخصوص الشات الموجود بالمنتد دي الرجاء تعديله وتخلي الدول بالاسم فقد اسجل النيك نيم بدون باص ورد يكون اسهل وافضل في الدخول والدردشه وده رئي ياريت اعرف رئي باقي الاعضاء بالمنتدي ..... تحياتي لابيض

العضو: tommy المخالفة: مخالفة نظام إرسال الرسائل الخاصة النقاط: 5 ملاحظة الإدارة:

الكيري هاوس من بره هله هله ومن جوه يعلم الله الكيري هاوس من بره منوره وحلوه ومن جوه عباره عن طربه مفيهاش ولا لمبه شغاله ياريت لو فيه حد بيهتم بالناس يحول يوشوف عمويد الاضائه الي عاوزه لكبات ويحول يحل المشكله دي في اقصي وقت ممكن ياريت لو ممكن سالنا بتوع الكهرباء قالو انو السياره مش بتعرف تخش جوه طيب احنا نعمل ايه هوه احنا الي عملنا المشيات دي ولا مين ولا ايه المطلوب منا علي شان تنورلنا الكيري هاوس ياريت حد يهتم وشكر:01s2:

انا شاب اعيش في العاشر من رمضان وياريت لو ممكن تضيفولنا معلومات عن الطب البطري انا ائهوي تربيه الطيور والارانب وعندي قليل من المعلومات واريد ان اشرك بهه ويجد عندي رومي ديوك رومي لو ممكن تشركوني في بعض المعلومات البطريه وشكر جزلا سيد احمد

العضو: hamza المخالفة: إرسال رسائل خاصة غير لائقة النقاط: 10 ملاحظة الإدارة:

انا مشترك جديد ومش من سكان العاشر بس كنت عاوز معلومه مهمه جداااااااا لانى عملت سيرش على جوجل ومش عارف الاقى اللى عايزه بالضبط اللى عايزه بالضبط هو مكان وعنوان مصنع اسمه تيمسا مصر temsa egypt هو مصنع جديد لسه مفتوح فى ابريل 2008 انا كل اللى اعرفه انه فى المنطقة الصناعيه التالته وقريب من مصنع لاد ( او شركه لادا ) ارجو انى الاقى الاجابه عندكم هنا

بحول اكثر من مره اني اخش الدردشه بتاعت المنتدي ولاكني مش عارف ادخل كل مره اخش يجبلي صفحه بيضه ممكن تسعودين ازاي اخش الدردشه وياريت شرح يكون عربي علي شان اتمكن من دخول الدردشه بارك الله فيكم وتحياتي للجميع:fr7an436:

السلام عليكم ورحمه الله هل يمكن ان تجعل في منتدانا الجميل منتدي العاشر من رمضان تقارب اي زواج علي سنه الله ورسولو هل يمكن ان تساعد جميع الاعضاء وكل من يرغب في الحلال ان يحول ان يقترب من شريك العمر ياعني ياريت تضيفو للموقع موق زواج في منتدانا الجميل وهذاء سوف يساعد الشباب والبنات من الزواج وارجو الرد علي هذه الفكر وشكر جزيلا

من فضلك ابعث لي بالطريقه............. وشكرا

ارجو الاطلاع على على الموضوع التالي وابداء الراس فيما كتب وفي الرد ..........شكرا http://10-ramadan.com/VB/showthread.php?p=5508&posted=1#post5508

تحية طيبة وبعد، اولا اود ان اقدم اعتذارى على المخالفة التى ظهرت منى ... ثانيا انا عندى اقتراح سيادتك اما بدأت تثبيت المواضيع بدأت فى الحوار العام والموضوعات والقضايا الساخنة ...ولكن بقية الاقسام ليس لها نصيب لحد دلوقتى ممكن ان كل قسم يتثبت فى المواضيع الممتازة .... وفى انتظار الرد :fr7an436:

السلام عليكم ورحمة الله وبركاته انا أضع مواضيع جيدة ،، في المنتدي ،،واستحوزت علي عدد مشاهدات كثيرة ،ونالت الكثير من الردود . بالاضافة الي اني وضعت مواضيع خاصة بكيفية اضافه ردود ووضع مواضيع متميزة ،،وتكرم العضو صالح ايضا بوضع موضوع عن ثقافة الردود في المواضيع ،، نرجو من سيادتكم تثبيت المواضيع الهامة والمفيدة للاعضاء والمنتدي بشكل عام .

أعزائي الأعضاء عامه وأخص بالحديث اعضاءنا الجُدد فمرحبا وهلا والله فيكم اريد أن تقرأوا آلموضوع لاخر سطر فيه حتى تصلك الفكرهـ واريد ردك بصراحه ومن دون خجل

بسم الله الرحمن الرحيم لقد لحظت اصرارك على حذف اى مشاركة او موضوع اقوم بسرده مع العلم انى لم اخالف قوانين المنتدى فى شئ ولكن الحذف لان ارائى تختلف مع ارائك فقط

هذة الملحوظة الغريبة جدا تقريبا موجودة في كل موضوعات المنتدي و هي أن عدد المشاهدات لأي موضوع تزيد بمقدار واحد فقط عن عدد المشاركات في الموضوع هل هذا معقول يا أخ أشرف ؟؟؟؟ أرجو ان تجد حلا لهذة الملاحظة فهي مهمة شكرا لك

أولا : هذه المميزات لجميع الدردشات طبعا هيه من نوع (DIGI CHAT) تغيير الاسم المستعار - صبغ الاسماء المستعارة - منح خاصية الطرد لمرة واحدة - عرض جميع المتصلين من نفس الاي بي

ليه مايرسل لي كل جديد علي الاميل حد يرد علياااااااااااااااااااااااااا :sm11::sm11::sm11::sm11::sm11::sm11::sm11::sm11::sm11::sm77:

السلام عليكم قسم الانجليزي هيكون قسم متكامل في تعليم الانجليزية ويشمل دروس ،، وقواميس ، وبرامج لتعليم الانجليزي وعناوين مواقع تساعد في تعلم الانجليزية ، ،، ومواضيع خاصة بمشاكل تعلم الانجليزية والتغلب عليها لذلك اعتقد اننا بحاجه الي تغيير الاسم من

السلام عليكم معلش باه ياباشا انا تعبك معايا ،، :D بس احنا كلنا عايزين المصلحه عندي تعليق بسيط ،، في قسم المتاسبات والتهاني ،، يوجد فاصل بين موضوع شجرة منتديات العاشر بالخط الاحمر العريض ،، هلل ممكن ان يشال ذلك الفاصل ،، حتي يصبح موضوع شجرة المنتديات واضح للقراء. الطلب الثاني اضافة ركن في قسم مناسبات والتهاني خاص بالترحيب بالاعضاء الجدد.

السلام عليكم في مشكلة عند فتح الموقع http://www.10-ramadan.com باللينك ده بيجيب المنتدي بشكل مباشر ،، مش بيجيب الصفحة الاساسية وبعدين تتدخل علي المنتدي ذي الاول ،، المشكلة ان نتج عن ذلك ان عند فتح اي موضوع يكون ظاهر بشكل غير كامل يعني عشان المنتدي يكون شغال كويس معايا لازم اسم السايت يكون اخره vb ،، نرجو حل هذه المشكلة حتي نسهل الامور للاعضاء الجدد،، الذين لايستطيعون تدارك الامر .

ونحن علي مشارف هذا الشهر الكريم تقوم المنتديات الكبري بعمل قسم جديد خاص برمضان وبيكون موجود تحت القسم الديني مباشرة وانا اقترح ان اسم القسم يكون الخيمه الرمضانيه واقترح ايضا انك تعمل نيو لوك للموقع مع بدايه الشهر الكريم تليق مع رمضان من باب التغير برده وشكرا

بعد اذنك يا استاذ محمد انا كان عندي اقتراح وعايز انفذه بس لازم موافقه منك الاول الموضوع خاص بالشـــــــــــــــــــــات الشات عندا بيعاني من عدم الدخول عليه لان مفيش حد بيلاقي حد فانا اقتراحي اني اعمل موضوع واحطه في العام في اعلان عن مسابقه ثقافيه وليكن مثلا يوم الخميس الساعه 10 ونبعت رسايل للاعضاء وطبعا المسابقه انت الي هتشرف عليها هتسالني ايه الحافز علشان الناس تدخل في المعاد

لدينا موضوعين كبار لن يفعلا اللا بعمل منك انت يا سياده المدير العام : الاول هو عمل منشورات وملصقات صغيره دعايه للمنتدى في اماكن حيويه بالعاشر. الثاني انتقاء موضوعات من افكار الاعضاء وبعثها الى بريد الاهرام والكتاب الكبار ارجو اهتمامك لان هذه هي التحديات الحقيقيه لجعل المنتدى قوي ومشهور...............شكرا وارجو رؤيه النتيجه سريعا:icon31:

السلام عليكم ورحمة الله وبركاته احب أن أقترح بعض الاقتراحات ..لعلها تصب في صالح مصلحة الموقع والنهوض به ...وانت صاحب القرار الاول والاخير 1-ادخال خاصية تعديل المواضيع ....ان أري ان المواقع الكبيرة بها هذه الخاصيه لماذا غير متاحة هنا ؟ 2-ادخال بعض النيك النيم علي الاعضاء النشيطين.....حافز لتشيجعهم وتشجيع للاعضاء في المشاركة بمواضيع وردود،مثلا عضو نشيط ،، عضو ذهبي ...وده حسب اللي تشوفه .

السيد المدير العام لماذا لا يفتح الموقع معي الا من خلال annonymouse الذي بعثته لي ؟ بل الاغرب ان الاخير ايضا احيانا لا يعمل..... كما انه يعطيني error in page الغريب ان هذه القصه جديده ولا تظهر لي الا في هذا الموقع فقط ارجو الافاده

انا وكيل معهد ثانوى ازهرى بديرب تجم شرقيه واظلب نقلى الى اى معهد بمدينه العاشروها اميلى ارجوكم ساعدونى وكلى امل فيكم فانتم اهلى فى هذا البلد ويسعدنى الانضمام لاسرتكم وهذا اميلى mahmoud_zaitoun2003@yahoo.com

السلام عليكم ورحمة الله وبركاته الموقع ده لازم يكون اسمه كبير قووووووي ..والكل يسمع عنه ...وأي حد في العاشر عنده نت يكون هو الهوم بيج بتاعه.....نكون قدوة لأي مدينة بعد كده انها تقلدنا وتعمل موقع خاص بيها .....اللي معندوش كمبيوتر ..يحلم يشتري كمبيوتر عشان يدخل علي الموقع بتاع العاشر ...! ممكن حد يضحك من كلامي بس انا شايف انه مش مستحيل

السلام عليكم اولا باحييكم على الموقع الظريف اوى ده واتمناله المزيد من التقدم فى ليا طلب او استفسار هو ليه مفيش قسم للطلبة؟؟؟؟؟ قسم يتقابلوا فيه و يتعرفوا فيع على بعض ونعرض فيه مشاكلهم

بسم الله الرحمن الرحيم و جود منتدى للمهندسين

بسم اللة الرحمن الرحيم اقــــــــــــــــــــــــــتراح بوجود قــــــــــــــــــــسم للمهندسين

بسم الله الرحمن الرحيم بعد الصلاه والسلام علي رسول الله نود أن نعلمك أنة بإمكانك بمشيئة الله أن تربح من موقعك بمجرد وضع بانر لشركة forexyard تتسائل كيف أربح 1- تشترك في الموقع والشرح موجود هنـــا 2- تنتظر تفعيل المشرف ويأخذ ساعات قليلة للتأكد من موقعك فقط 3- تدخل قائمة العملاء من هنا

الرجاء من ادارة النمنتدى المحترمة ارسال الرقم او الرمز البريدى للعاشر من رمضان او المجاورة 47 بالخصوص علشان فى ناس عايزه تبعتلى جواب على البريد وانا معرفش الرقم البريدى ............ بالله عليكم ... تساعدونى

الساده القائمين على الموقع العاشر فيها العديد من العقول الرائعه التي ستضيف الكثير ولكنهم لا يعرفون الموقع اقترح نشر اسم الموقع في الجريده التي تشبه الوسيط وتوزع في العاشر وهو غير مكلف كمان ممكن نحط اسم الموقع في الاماكن الحيويه زى نادي الرواد ومحلات السوبر ماركت ايه رايكم؟:icon30:

اولا : المفروض يكون في قسم للاغاني ثانيا : قسم للصور لاني لاحظت ان اي حد بيحب يحط صور بيحطها في العام ثالثا : تضاف الي اقسام اضحك كركر وفوازير قسم للاعاب علشان الاعاب بتخلي في روح حلوه للمنتدي وكمان بتخلينا نتعرف علي بعض اكثر رابعا: بشكر كل الي ساعد في الموقعومره تانيه بقول دا اقتراح مش بعدل علي الاداره وشكرا

لو عندكم أي إقتراح بنّاء أو ملاحظة رجاءاً أفيدونا بها.

يا جماعه هيه كلمه وبس لتنشيط الموقع لا بد من تبادل الاعلانات وعن نفسى انا ممكن اقوم بهذا الموضوع لان صحابى لديهم مواقع ضخمه