من يبايع على الموت

[مرفت نهر الحياه]

من يبايع على الموت .. شغل للنهاية .. عايزة ناس تقع من التعب .. عايزة شباب معندهاش وقت .. تمسح عرقها .. الفوضويين يمتنعون .. رحاب الطحان 012047987

[مرفت نهر الحياه]

مطلوب شباب ترسم خرايط .. تردم ترع .. توصل مياة .. بدون اجر

باختصار
الهدف تطوير قرية كفر حكيم
1- هنردم المصارف والترع اللى بتسبب الامراض
2- هنرمم ونوصل مية للبيوت
3- هنساعد الاسر والاطفال فى العلاج والتعليم

الوسايل
1-رسم الخريطة
2-توفير متطوعين
3-اقامة معارض
4-اقامة قوافل طبية
5- المساعدة فى بناء معهد ازهرى

والمطلوب
1- متطوعين دعاية للمشاريع والاهداف دى (عالنت – ورق- اذاعة ....
2- خبرات فى المجالات السابقة (مهندسي- مدرسين ...
3- المواد المناسبة للترميم البيوت وللردم (اسمنت – حديد وزلط ورمل كتييييييييييييييير
4- ملابس واجهزة للمعارض
5- شباب محترم (يبايع على الموت) (يشتغل باديه - يدرس
وبالله التوفيق

رحاب الطحان
0120479875
لو قدّر علي أن أفقد كل مواهبي وملكاتي، وكان لي الخيار في أن أن احتفظ بواحدة فقط، فلن أتردد في أن تكون القدرة على التحدّث. لأنني من خلالها سأستطيع أن أستعيد البقية بسرعة.(زجلر)



ان شاء الله هشرح لكم قريب بالتفصيل هنبدأالشغل ازاى ؟؟؟؟ وربنا يقوينا

[Mr Usama Amer]

جزاك الله خير نهر الحياة
وجعله دوما في ميزانك يوم العرض

ان شاء الله سنتصل بكم قريبا لعمل ما نستطيع


ودي واحترامي

اسامة عامر

[first knight]

قواك الله،،،،،،،،،،،،،، ولو ان العاشر فيها حاجات كتييييييييييييييييير محتاجه منك نظره وتصحيح،،،،،،،،، واكيد شباب العاشر هيكونوا كلهم معاكي............................................. .........

[مرفت نهر الحياه]

شكرا ليكم على اهتمامكم بالرد وجزاكم الله خيرا
وايد على ايد ........
يلا عيزين ايدك معانا

[مرفت نهر الحياه]

على قدر النية يكون العمل
وعلى قدر الحسلة يكون الاجر
إن الله لا يغير ما بقوم حتى يغيروا ما بانفسهم

هنبدأ الشغل ازاى؟؟؟؟؟؟؟؟
(1) الخريطة
اول واهم حاجة ان مجموعة من الشباب يبدأو برسم الخريطة اللى نقدر نتعرف فيها على كل التفاصيل الممكنة فى كفر حكيم مثل:

*المصارف والترع المطلوب ردمها او تطهيرها
*البيوت كلها مع تمييز البيوت المطلوب تسقيفها او ترميمها بلون او علامة مميزة
* توضيح كل قطع الارض الفضاء (اللى ممكن يتوفر منها اماكن لورش التدريب أو أماكن لبناء المعهد الدينى حلم القرية حيث يتوفر بها ما لا يقل عن 200طالبة وطالب ازهرى بييضطروا للسفر مسافات طويلة لاقرب معهد دينى
(2) الخطوة التانية: الاعـــلان
* اعلان للاسر والاهالى عند بدء نشاط اللجنة فى مجالين
1-مشروع التدريب (على الملابس الجاهزة) التابع لاتحاد الصناعات واللى بتساعدنا فيه المهندسة لمياء بدر الدين مع توافر فرص عمل حقيقية للاكفاء.

2- المشروع التانى هو عزم اللجنة (لجنة زكاة كفرحكيم المشهرة برقم 56لسنة 1996م) على توصيل المياة وترميم الاسقف لعدد من الاسر .. ودا هيدفع الاسر والحالات انها تسعى فى عمل البحث الاجتماعى وتقديمه للجنة ودا هيوفر علينا كتير من المجهود
-- والمهم فى الخطوة دى الاعلان يوصل للناس كلها ودا معناه نشاط من اعضاء اللجنة والاهالى وربط وتنسيق بين الجوامع فى القرية والعزب المجاورة واستغلال كل مكرفوونات ووسائل نقل الاخبار فى القرية.

3- المشروع الثالث
المطلوب الاعلان عنه هو توفير العلاج على نفقة الدولة وبمساعدة اللجنة
ودا معناه ان تقوم اللجنة ببذل الجهد مع القطاع الحكومى لتوفير خدمات قد تكون الناس فى جهل تام عنها او عن طررق الوصول اليها

(3) الخطوة الثالثة
ردم الترعة
اعتقد ان دا افضل مشروع نقدر نبدأ بيه
اولا لانه واضح وظاهر للناس كلها وبيحقق نفع عام
ثانيا انه قادر على تجميع وحشد جهود تطوعية من اهالى القرية كلها وان شاء الله يكون بداية لاشعال حماسهم لباقى الانشطة الاخرى التى لا تلقى نفس الجذب مثل المساعدات (الترميم وتوصيل المياة وتوفير العلاج والمساعدات التعليمية) والمطلوب لهذه المشاريع ان يظل العمل بها ولا نقف مهما كانت الجهود التطوعية فيها بسيطة لان بانتهاء مشروع الردم هتكون حصيلتنا من المتطوعين ان شاء الله اكبر ولازم المتطوعين يجدوا انشطة اخرى جاهزة للعمل ولا تعطل جهودهم فى انتظار الموافقات او الجهود التمهيدية لبدا نشاطهم التطوعى بالمجهود.

3-الخطوة الرابعة
1-القافلة الطبية
توفير قافلة طبية للمدارس ودا سهل جدا مع وجود الموافقة لتوافر العديد من المجموعات الخيرية القادرة والتى لا خبراتها فى تنظيم اكتر من قافلة طبية وكذلك توافر اطباء متبرعين من اهالى القرية نفسها
- قيام القافلة برسم مادى بسيط 1ج قد يكون فرصة لتوفير دعم مالى لاول بيت نقيم له سقف او نوصل له مياة وجميل ان تبدأ الانشطة من اموال الاهالى نفسها وليس بإعانة خارجية

- 2معرض الملابس المستعملة
بالتوازى مع انشطة القافلة الطبية سيوفر نشاط المعرض دعم مالى لنشاط توصيل المياة للبيوت وترميمها وفى نفس الوقت نشاط المعرض يحشد جهود تطوعية كتيرة لاطفال وسيدات ورجال وكبار السن فى
جمع الملابس
فرزها وتنظيفها
الترتيب
تنظيم المعرض
بيع الملابس
وحتى الشراء
يجب ان يخرج من اهالى القرية مهتمون بالشأن العام
فالمعرض اولا واخيرا
خدمة للاهالى ووسيلة لجمع المال بأيدهم لمساعدة الاسر المطلوب ترميم بيوتهم وهى اسر تعيش بينهم وكل مشترى او متطوع لابد ان تكون هذه من ضمن نواياه انه يساعد ولو بوقته بتوفير ما يساعد فى ستر اسر تفتقد (طوال العام صيفا وشتاءا)الاسقف او فى اشد الحاجة لوصلة مياة او إقامة حمام وهذه حالات رايتها بعينى لوضع لا يقبله احدا منها لعدوه فضلا ان يقبلها لاحد من المسلمين او يقبلها لنفسه.
3-التدريب
بالتوازى وفى نفس الوقت يتم الاعلان عن فرص التدريب والعمل المتوفرة ولن نعلن الا على ما نثق فيه من انشطة تدريبية تابعة لاتحاد الصناعة او مصانع معروفة وموثوق بها حيث يجب ان يثق شباب القرية فى أمانة اللجنة وصدقها فى توفير ما فيه النفع العام فعلا
بالنسبة لفرص التدريب المتاحة حاليا فتم توفيرها من قبل احد المتطوعات والعاملة فى مجال التدريب على ان يأخد المتدرب او المتدربة فى مجال الملابس الجاهزة مكأفاة بعد التدريب بالإضافة للمواصلات
مع التأكيد على توافر فرص عمل حقيقية بعد التدريب لكل متدرب كلا حسب كفاءته
والتزمت اللجنة بتوفير بوسيلة نقل جماعية تساهم فى تكلفتها مع المتدربين والمتدربات من ابناء القرية وذلك لتوفير اكبر قدر من الامان وتشجيع الاهالى وطمئنتهم على ابنائهم وبناتهم .. وتشجيع المتدربين خاصة انه تدريب يضم جميع الفئات حتى المتسربين من التعليم

4- مشروع التدوير والاستفادة من المخلفات الجافة
ان تجميع الورق والكتب والجرايد والمعادن هو نشاط مكرر نهدف منه دائما بالاضافة لرفع وعى الناس بقيم
1* النظافة
2* الاستفادية المادية من كل الموارد
3*توفير دعم مالى للانشطة
نهدف ايضا ان نكون قد فعلنا كل ما يمكنا وكل ما هو متوفر تحت أيدينا قبل أن نبدأ فى أن نطالب الاخرين (من خارج القرية) بالدعم المالى والتمويل

فعن يقين وتجربة ان خطواتنا الصغير الصادقة ومهما كانت نتائجها هى البداية الحقيقية لثقة الاخرون
كما اننى أود لو أننا نتخلى تماما عن فكرة انتظار التمويل الخارجى والمهدى المنتظر والمنقذ الذى يقفذ على القرية بالباراشوت ويحلوا لى ان اذكركم أن حتى ذو القرنين طالب القوم ان يعينوه بقوة
وانه ذو القرنين نفسه وحتى ملوك العالم اجمع لن يستطيعوا ان ينهضوا ببيت واحد لم يهم اهله بتغيير حالهم
إن الله لا يغير ما بقوم حتى يغيروا ما بانفسهم
وبالله التوفيق
رحاب الطحان

[adoom_21]

موضوع جميل ومفيد وياريت يكون عملى ويفيد كل طاقات الشباب ومشكورة جدا على العمل الكبير

[مرفت نهر الحياه]

ان شاء الله والله الموفق
وشكرا على الرد وجزاك الله خيرا

[marwa]

فعلا ايد لوحدها متصقفشى شكرا مرفت على الموضوع والنقل الطيب فعلا محتاجين مساعدات محتاجين متطوعين محتاجين مهندسين محتاجين حد يساعدنا فى رسم الخريطة ...........ساعدونا نحقق حلم ناس حلم آدمى مية وسقف ناس حلمها كله بيت بسقف وميه نضيفة.. حياة آدمية نضيفة .. ساعدونا وانشروا الموضوع لأى معارفكم مهندسين متطوعين واللذى منه .... لإن إيد لوحدها متسقفشى

[سيداحمد]

بارك
الله في كل من رد
وفي كل من يزرع امل
وفي كل من يساعد ولو بكلمه رحمه