عينى تزرف دمعا ... ولكن لم اجد من يجففها لى !!!!!

[ندا منير]

احنا ذوى الاحتياجات الخاصة فى مؤسسة نور الرحمن للمعاقين فى المجاورة ال 47


انا اللى اهلى سابونى فى مستشفى عشان تعبت وهربوا عشان انا معاق ومؤسسة نور الرحمن خدتنى واهلى مجوش زارونى خالص .

انا اللى اهلى خلونى اطلق مراتى غصبن عنى وجالى حالة نفسية صعبة لحد ما بقيت معاق


انا اللى اهلى لما اتولدت عرفوا انى معاق سبونى على باب جامع


انا اللى اهلى سايبنى فى المؤسسة ومش راضيين يسالوا عليا ولا بيجوا يزورونى .


مستنينكم تيجوا ترزورونا
وتقعدوا معانا
وتساعدونا على اانا نعيش
محتاجين لزيارتكم لينا


يا جماعة دى كلها حالات موجودة فى مؤسسة نور الرحمن وفى اكتر من كدة كمان فى حالات تخليك تبكى اول ما تشوفها
دول محتاجين فعلا اننا نروح نزورهم ومش كدة وبس المؤسسة دى بتعانى من نقص الماديات بصورة كبيرة جدا ياريت لو حد بيتبرع لاى مكان يهتم بالمكان دا
دول محتاجين مساعدة اكتر من ديار ايتام العاشر لان ديار الايتام انا تقريبا زرتها كلها وعملت شبه بحث حالة ليها بجد كل الديار حالتها كويسة جدا ومش محتاجة مساعدات خالص
ياريت تزروهم بجد وتحاولوا تساعدوا المؤسسة

[ندا منير]

اسفة جدا المجاورة 43 مدخل ال 43

عند اللوحة الى مكتوب عليها 43

[toto451]

مشكور علي المجهود

دول محتاجين مساعدة اكتر من ديار ايتام العاشر لان ديار الايتام انا تقريبا زرتها كلها وعملت شبه بحث حالة ليها بجد كل الديار حالتها كويسة جدا ومش محتاجة مساعدات خالص
ياريت تزروهم بجد وتحاولوا تساعدوا المؤسسة

ان اعتقد مش كل ديار الايتام حالتها كويسة هل زورتي دار الايتام في المجاورة 11

وشكرا مرة اخره

[ندا منير]

فى ال 11

فين دا يا توتو بالظبط انا مسمعتش عن دار فى ال 11 خالص

انا اعرف دار الامل بنات فى ال 12

ومش كل الديار رحتها بس اللى سمعت عنه رحتلهم


بس برده بتوع مؤسسة نور الرحمن اولى

[toto451]

هي دار الامل بنات بس في 11 مش 12

[ندا منير]

والله هى دى ال 11
اعتقد ال 12

مش هتفرق

بس اعذرنى يا توتو بجد دى اكبر دار واخدة رعاية جامدة جدا جدا سواء ماديات او اهتمام الناس بيهم وانا على طول عندهم
اولا مفيش حاجة اسمها انهم يلبسوا حاجة قديمة بينزلوا المشرفين معاهم فى القاهرة ويجيبولهم لبس وجزم وغيره

ثانيا كل بنت ليها شقتها عشان لما تتجوز

ثالثا بياكلوا احسن اكل

رابعا مدلعين جدااااااااااااااااااااااا

خامسا الناس على طول بتزورهم وبيجيلهم احسن تبرعات بجد

وبيجلهم مدرسين وغيره بجد مش محتاجين لاى حاجة

واخر حاجة كانت جمعية روترى عندهم من حوالى شهرين كدة والجمعية تقريبا جابتلهم تبرعات
واصلا الجمعية دى من اكبر جمعيات مصر ومن حظ دار الامل انهم جم زاروهم واكيد هيجبولهم تبرعات بصورة مستمرة


يبقى مين يا توتو اللى محتاج لمساعدة
دول ولا مؤسسة نرو الرحمن
على الاقل فى دار الامل مش محتاجين لفلوس خالص وغير كدة فى اهتمام من قبل الناس
لكن نور الرحمن بجد بيعانوا من ازمة جامدة جدا فعلا هما محتاجين تبرعات شديدة قوى
والافطال هناك محتاجين الناس تبقى جمبهم

[adoom_21]

اعذرونى على المداخلة ............................ ولكن انا اول مرة اسمع عن الجمعية دى وخاصة انها قريبة منى ولذلك فلك كل الشكر على مجهودك الرائع .
ثانينا : فى اشخاص كتير جدا ممكن يساعدوووا ........... ودورنا احنا ( شباب العاشر ) لازم يكون فعال مش مجرد شعارات واقوال ..........................
وانا عن نفسى مستعد اساهم واشارك معاكم فى اى نوع من انواع المساعدة لان فعلا هما محتاجين لينا كتيررررررررررررررررررررررررررررررر. ومشكورررررررررررررررررررة مرة تانية .

[ندا منير]

طب يا ريت يا adoom لو تقدر تعملهم حاجة وتقول للناس اللى تعرفهم

وهى فعلا مش معروفة قوى وفى ناس كتيرة فى العاشر متعرفهاش

ومفيش مداخلة ولا حاجة قول اللى تحبه

[هانم بنت باشا]

اول مره اسمع عن الجمعيه ربنا يصبرهم على الابتلاء وشكرا لك من كل قلبى فالدال على الخير كفاعله
جزاك الله كل خير

[ندا منير]

مهى المشكلة انها مش معروفة وعشان كدة نزلت الاعلان هنا عشان لو حد يقدر يساعدهم

اشكرك جدا

[عاشق السمراء العراقي]

السلام عليكم ورحمة الله وبركاته

انا بعرف بان هذه الجمعيه جمعيه النور للايتام

هي مقرها الرئيسي مكانها الاصلي

في لندن وعندها امكانيه لاتحصى ولاتعد

وعندها ممولين من داخل العراق ومن داخل ايران

ومن داخل البحرين ومن داخل الكويت ومن داخل السعوديه

ومن داخل مصر ومن بعض الدول القريبه للعراق

بس المموولين والمدعومين لها والرئيسين لها

وهم من العراق ومن شخص معروف دوليا ودينيا

ولها ارتباط بمؤؤسة في داخل العراق ولها دعم

معنوي ومادي

وانى شخصيا بعرف المؤسسه او جمعية النور

واني من المتبرعين لها شهريا بالاموال

وفقكم الله للعمل الخير وبارك الله بكم بالدنيا والاخره

اللهم صلى على محمد وال محمد