هذا ما نقوم به الآن

[ندا منير]

الانشطة الحالية فى جمعيتنا

1 - كفالة 145 اسرة ما بين مرتبات شهرية وتوزيع شنط مواد غذائية شهريا اما موسميا .

2 - معرض ملابس مستعملة دائم بمقر الجمعية باسعار رمزية جدا .

3 - مركز الاستشارات اما استشارة بداخل الجمعية اما الرد على الرقم الخاص به 5596 والمسئولة عنه استاذ دكتور امانى عبد المقصود استاد الصحة والارشاد النفسى ورئيس قسم العلوم التربوية والنفسية جامعة المنوفية .

4 - دورات تفصيل .

5 - دروس محو امية .

6 - تحفيظ قران .

7 - ورشة فنية ونادى طفل .

8 - ندوات ودورات .

9 - اتفاق بين مركز الممتاز لاعطاء دروس للثانوى ب 5 جنيه فقط .

10 - صيدلية بيع مجانى للحالات المريضة الفقيرة .

11 - معرض دعايا بنادى الاجتماعى والرواد .

12 - استكمال حملة تطوير العاشر .

13- ارسال الحالات المريضة الفقيرة التى تحتاج لعمليات جراحية او عمل اشعة او تحاليل الى مستشفى الاخلاص بالمجاورة 30 وفقا للاتفاق المبرم بين الجمعية والمستشفى حيث انه سيتم عمل خصم على العمليات الجراحية والاشعة والتحاليل للاسر الفقيرة .


14- تجهيز عرائس .
دى اساس الانشطة اللى موجودة بصورة مستمرة فى الجمعية

وكل شهر او كل اسبوعين بنعمل عليهم نشاط جديد .

[ehab mohamed]

والله لسة فى ناس كويسين عاوزين يعملوا حاجة بجد لبلدهم دى حاجة تفرح والله وتشرف بجد.

[mega]

ok يا ندا...كل الحاجات اللى انتى قولتى عليها دى ممكن تكون بتتعمل
وانا شوفت حاجات كتير منها فعلا...بس

هى فين حملة تطوير العاشر دى...انا مش شايف اى تطوير ملحوظ للمدينة
لنهر الحياه او رسالة واى جمعية تانية...بالعكس المدينة كل مده بتسوء
وبتبقى اوحش من الاول

[ندا منير]

والله لسة فى ناس كويسين عاوزين يعملوا حاجة بجد لبلدهم دى حاجة تفرح والله وتشرف بجد.

الحمدلله يا ايهاب وربنا معانا جميعا

[ندا منير]

ok يا ندا...كل الحاجات اللى انتى قولتى عليها دى ممكن تكون بتتعمل
وانا شوفت حاجات كتير منها فعلا...بس

هى فين حملة تطوير العاشر دى...انا مش شايف اى تطوير ملحوظ للمدينة
لنهر الحياه او رسالة واى جمعية تانية...بالعكس المدينة كل مده بتسوء
وبتبقى اوحش من الاول

مفيش فرد او مؤسسة او هيئة هتقدر تعمل كل حاجة فى وقت واحد

ممكن يا ميجا تدخل على موضوع حملة تطوير العاشر فى القسم بتاعنا وتقدر تشوف احنا عملنا ايه لحد دلوقتى وخد بالك احنا مين ؟

لا احنا وزارة ولا حكومة ولا هئية عالية وليها وسايط ؟

وعموما هرد عليك برده بس اتمنى انك تقرا وتشوف بنفسك اكتر

عندك كذا هدف احنا كنا حاطينه فى الحملة هقولك الاهداف واللى حققناه منها

وخد بالك للمرة التانية احتا جمعية خيرية وكلنا طلبة فيها وبنتعامل لوحدنا وسط بلد لا قوانين صح ولا حاجة فيها صح واحنا لا حكومة ولا وزلاارة

تبعا لهدف انشطة ترفيهية قمنا بالتالى

عمل يوم رياضى وكانت دعوة عاملة لجميع اهالى لاعاشر وكان معانا فيها ايتام واعتقد انك شوفت الصور بالتقرير

تبعا لهدف تطوير العاشر قمنا بعمل ماراثون مشى وكان الدعوة عامة للعاشر كلها وكان هدفنا فيها دعوة للخير والرياضة والحفاظ على بيئة نظيفة خالية من التلوث دى كانت دعوة واعتقد انك كنت موجود فى اليوم دا والحمدلله اليوم نجح جدا بشهادة امن الدولة والمررو والشرطة وجميع الحاضرين والماراثون كان اشبه بمسيرة يعنى كنا بندعى فيها لكدة هتقولى وحققتم ايه منه ايه يعنى دعتوا الناس لكدة
هقولك دى خطوة الخطوة اللى بعدها حملة اكبر منها بس مش كل حاجة سهلة نعملها م نيوم وليلة

تبعا لهدف دورات التثقيف جبنا المكتبة المتنقلة واعتقد انك جيت يوم وشوفتها بس لان كان خلاص الدراسة بدات فاجلنا مجيها للصيف اللى جاى

تبعا لهدف حملات التوعية قمنا بعمل حملة انفلونزا الخازير ودى وزعنا كمية ورق كتير قوى على الناس وامبارح فى معرض الدعايا كان فى متطوعين مننا بيتكلموا مع الناس فيها وبيوزعوا ورق صح ولا ايه يا ميجا ؟

تبعا لهدف حل مشاكل العاشر جمعنا شوية مشاكل وقمنا بزيارة لرئيسا لجهاز ودى كانت الخبر اللى نزلت هفى المنتدى

وتم التحدث معه فى عدة مشاكل خاصة بالعاشر منها (( مشكلة الغنم والبقر تبع البدو المتواجدين فى الجناين بصورة مستمرة ،،، مشكلة الصرف الصحى فى المجاورة ال 14 ،،،، مشكلة المواصلات الداخلية ،،،، عدم تنظيم سوق الجمعة ،،،، مشكلة تواجد العمال عند شبكة المياه والاردنية )) وباقى المشاكل وغيرها سيتم ارسالها فى صورة شكوى وسيتم مقابلة رئيس الجهاز مرة اخرى والتحدث معه بشانها وهو على اتم استعداد بان يستقبل اى شكوى من اى فرد فى اى وقت وذلك حتى اذا اراد اى شخص ارسال شكوى بسبب مشكلة ما فيذهب فورا ورئيس الجهاز على اتم استعداد لحل اى مشكلة

وكان نتيجة المقابلة كالتالى ::

....

لحل مشكلة الغنم والبقر فهم يحاولون الان عمل مراعى خارج المدينة لنقلهم فيها ،، مشكلة الصرف الصحى هو على اتم استعداد لحلها (( رقم ادارة الصرف الصحى 360825 ) ورقم مكتب الطوارئ ( 364977 )) عشان اللى من سكان المنطقة ال 14 يبلغوا ،،، بالنسبة للمواصلات فلمواصلات موجودة وببعدى خطوط عند كل مجاورة لكن مينفعش يدخل جوة المجاورة منعنا لحدوث حوادث او لازعاج الناس لكن كل مجاورة ليها خط بيعدى ليها ،، بالنسبة لسوق الجمعة فدا مؤقت وسيتم باذن الله عمل سوق متطور وجديد عنه ،، وبالنسبة لمشكلة العمال ودى تم مناقشتها نتاج كثرة شكاوى البنات والفتيات باذيه العمال لهم وتم تحويل الموضوع للقسم وباذن الله هنتابع معاهم فى القسم لحد ما تتحل .

وباذن الله يا جماعة كل مشكلة بنواجها الجهاز هيساعدنا فيها باذن الله فاذا حد يحب يكمنا فى الجمعية ويقولنا على اى مشكلة شايفها فياريت وكل فترة بعد ما نجمع كذا مشكلة هنروح الجهاز نناقشه فيها ولو حد يحب يروح بنفسه فياريت برده عشان نحل كل حاجة بتواجهنا .




ولازم منياسش ولازم نحاول على قد ما نقدر انننا نحاول مرة واتنين وعشرة اننا نبعت مشاكلنا للمسئولين ونتابعها عشان نقدر نعيش فى مكان متحضر بمعنى الكلمة .

ومشكلة العمال على فكرة احنا بنتابعها واتحلت كتير جدا منها ولو لاحظتها هتصدق كلامى


تبعا لهدف

توفير فرص عمل للشباب وهدف اعطاء دورات تثقيف

فتم عمل الاتى

توفير برامج تعليمية للاطفال وتوفير تسويق اى فكرة ابداعية لاى شاب لم يتمكن من تسويق فكرته

وذللك حفاظا من الجمعية على توفير فرص عمل للشباب وخدمة الاطفال

واللينك دا فيه التفاصيل

فرص عمل للشباب توفرها نهر الحياة بالاضافة الى خدمات تعليمية واللينك دا فيه كل التفاصيل
http://www.10-ramadan.com/VB/showthr...7890#post27890


تبعا لهدف التواجد المكانى للتواصل المباشر

فتم التوصل لعدد من المشكلات ومناقشتها مع رئيس الجهاز وقلت دا فى تعليق سابق

ودلوقتى بحثنا مشكلة تانية

وهى ان فى عدد كبير جدا من الاسر الفقيرة بتبقى عايزة تعمل عمليات او اشعة او تحاليل وبتبقى غالية قوى عليهم

فبنحاول نوصلهم لدكاترة ومستشفيات احنا عارفينهم مجانى
بالاضافة اننا بنديهم ادوية مجانية فى الجمعية


ها يا ميجا هل كل دا ومعلمناش حاجة للمدينة مخدمناش اى حاجة خالص

ولسة احنا بنفكر وان شاءا لله هنعمل وهنحقق اكتر من كدة بس ياريت الناس تساعدنا والحكومة تغير قوانينها ساعتاه يا ميجا هتحس بفرق

[ehab mohamed]

اولا بالنسبة ميجا:-

اعتقد انته المفروض تراجع الكلام اللى انته قولته وخاصتا انك كنت شاهد على اجزاء من حملة تطوير العاشر بس يمكن انته ماخدتش بالك.



ثانيا بالنسبة لندا:-

انشطة الجمعية كويسة جدااااااااا بجد وبالنسبة لطلاب هم اللى كانوا بيسعوا ان لانشطة دى وهم اللى كانوا بيبزلوا فيها مجهود بجد مجهود رائع .

[ندا منير]

النشاط الجديد والاساسى للجمعية

افتتاح دار الايتام

[سيداحمد]

فعلا ياندا
انا ملاحظ تغيرؤ ملموس
واهم شئ بان لا نفقد الامل
.
.

..
قطر الماء تستطيع ان تفجر الصخر ليس بقوتهه
.

.
.ولاكن بستمراررهه في الصقوط
فلكل حلم الحاح
ولكل زرع مرجي
فلنزرع ونجري من الله
ان تطرح ثمار ما نزرع
ولا ننسه بان لكل زرع ثماره
وشقائه
فالله خلق كل شئ بسبب
فلنصنع نحن السبب ولا ننتظر حدوث السبب
بارك الله في كل عضو في الجمعليات الخيريه
وكل من يساهم ولو بكلمه رحمه
وجعله الله في ميزان حسناته
تقبلي مروري يالغاليه
بارك الله فيكم جميعي
تحياتي لابيض

[ندا منير]

فعلا ياندا
انا ملاحظ تغيرؤ ملموس
واهم شئ بان لا نفقد الامل
.
.

..
قطر الماء تستطيع ان تفجر الصخر ليس بقوتهه
.

.
.ولاكن بستمراررهه في الصقوط
فلكل حلم الحاح
ولكل زرع مرجي
فلنزرع ونجري من الله
ان تطرح ثمار ما نزرع
ولا ننسه بان لكل زرع ثماره
وشقائه
فالله خلق كل شئ بسبب
فلنصنع نحن السبب ولا ننتظر حدوث السبب
بارك الله في كل عضو في الجمعليات الخيريه
وكل من يساهم ولو بكلمه رحمه
وجعله الله في ميزان حسناته
تقبلي مروري يالغاليه
بارك الله فيكم جميعي
تحياتي لابيض

دى شهادة نعتز بيها يا سيد احمد ميرسى ليك جدا

ونتمنى زيارتك للجمعية